Timmy —《零剩研究所》Lab0ver
- 請用約100-150字簡介你本人 及 你正在進行的計劃或行動是什麼？
我哋係零剩研究所（Lab0ver) ，致力推動社區、學校環保教育及回收的工作。本組織以推動廚餘回收及加強社區參與為宗旨，望拉近社區內不同持分者與廚餘回收之間的關係，抹走普遍大眾對廚餘的負面印象。透過各類型的譚計劃和活動，教育公眾有關知識，由下以上的共同實踐不同處理廚餘回收的方法，從而宣揚環境、社區可持續發展等概念。
- 你主要看到哪些群體的需要或狀況才開始自己的計劃？而你的計劃或行動，怎樣回應這些需要？
我地當初同partner喺社區工作認識，搞咗D回收街站（收膠、金屬、廢紙），係而家流動回收站既土炮版。從中認識了一D街坊、義工，我地每半年就會有會議，傾下來年有咩做。傾傾下，就講到想收埋廚餘，然後我地開始研究呢件事。後來發現咗，香港無專門回收廚餘既組織，同時因為我哋做社區既，就發現社區同廚餘有好strong既聯繫，好似城市入面就keep住會產生既廚餘，而社區既另一面 – 郊外，D人會拎廚餘去堆肥、up-cycle。所以我地就直接做咗個廚餘加社區教育既組織。
我哋最主要做嘅活動除咗有廚餘元素之外，都會加入有社區嘅元素，例如我哋平時介紹， 或者做一啲service嘅時候就會提及，我哋喺社區度收取廚餘啊，即係除咗係街坊入面嘅廚餘之外，我哋喺一啲唔同社區小店都有收集廚餘，而大眾可能都係好唔知道呢件事。
所以其實都係圍繞住唔同嘅我哋嘅個案呀，即係例如有出名啲叫「由餘Soc」計劃啦，就係由「廚餘」，去到一個”Society”, 其實就想講下community啦，即係都係想由廚餘去出發睇一 個社區咁樣。
- 在進行這些嘗試的過程，有遇過什麼困難或反對聲音嗎？那是怎樣的經驗？
我哋成個嘗試都係一個摸住石頭過河嘅人，因為我哋做社區、環保，都係自己嘅興趣，都唔係一個好專業，所以我哋就Keep住自己慢慢去學習，上網搵唔同嘅前輩了解、認識，呢個呢個過程係好快樂嘅，因為Keep住覺得自己增長緊啦，同埋其實原來真係香港有好多好努力嘅人，而係好多人未必知道啦。
但係去到一個位，其實因為我哋覺得自己增長都差唔多，咁我哋想去搵一啲funding，或者一啲初創嘅program去做下，試下做一啲大啲scale嘅program。咁我哋坐嗰陣時，真係去咗申請屯門青件夢工匠啦。，咁就係一個社區創新嘅project，下放啲金錢俾啲青年團隊去做啲社區project。 咁嗰陣時我哋第一次pitching嘅時候，有啲評審就講：「唉，幾10年前已經做過廚餘啦？ 唔得㗎！ 投訴呀，點都唔搞唔到㗎喇！搞咗十幾年都搞唔到，點會搞得到呀？」 呢一句説話，令我聯想起好多市民其本身第一下聽到廚餘嘅時候，就會覺諗翻起陣臭味、負面嘅印象啦，所以就更加Trigger到我哋之後更想將呢件事，教育成一個好啲事，而唔係一個厭惡、負面嘅事。
回想嗰一下受到啲批評、反對嘅聲音，一個當頭棒喝，係唔好受咁，但係之後都因為呢件事而有所謂啟發，而亦都中間仲有其他唔同嘅funding嘅申請失敗，例如係SIE – 社區創新計劃。但係我哋都係Keep住去嘗試，或者去搵自己嘅身位，而家就開始慢慢去做，專去做唔同parties中間嘅connection啦，更加扣連到廚餘中間唔同嘅parties，同埋去做一啲社廚餘相關嘅社區、公眾教育。
- 你為了這些需要而作出行動的同時，會期望身邊的群體又可怎樣走出一小步？（例如是希望整體社會有什麼觀念可以改變？或是期望他人對自己所做的事持什麼態度？）
希望街坊會對「廚餘」嘅觀念改變啦，期望佢哋會轉變一個welcome嘅心態去了解更多減廢嘅項目。
- 在你實踐自己計劃的過程中有遇過「伯樂」嗎？那是怎樣的經驗？
有。 Dr Daren LEUNG Shi Chi！ 嶺南大學助理研究教授。Daren 係我哋初期開街站嘅時候，過嚟搵我哋，因為佢嘅大學論文都係關於waste ，所以佢返到嚟香港，見到我哋將waste and community 放得咁近同咁interactive ，就同我哋合作咗好多。（例如每semester 去教佢個course 嘅 service learning ， fyi 「由餘soc」project）
同埋，佢都俾咗好多機會我哋，同我哋co-found 咗多一個機構，DDWW (day day waste wise）專門做入校教育，嚟緊都會出一個專門講廚餘嘅教材。
- 如邀請你向其他年青人分享一句你的座右銘，或鼓勵的說話，會是甚麼?
