楊曉芙(Sharon) —《原來我》

⁠請用約100-150字簡介你本人及你正在進行的計劃或行動是什麼？
《原來我》Creativityis 係2016年成立，開始嘅願景係同香港嘅年青人探討創意，隨着企劃嘅演進，我哋更加想陪同大家尋找自己同埋意義。我地主力搞放映會同埋度身訂造嘅實體體驗活動。我哋係計劃開始之後，同人傾得多偈，發現當佢哋發掘到自己一啲嘢嘅時候，就會講「原來我…」，我哋就攞咗嚟做企劃嘅名稱。
你主要看到哪些群體的需要或狀況才開始自己的計劃？而你的計劃或行動，怎樣回應這些需要？
我哋見到剛進入社會嘅成人(young adults 18-35歲）好似都好迷惘。好多嘢想做，但又會質疑自己。《原來我》做嘅嘢就係同佢哋真誠交流，等佢哋搜索自己嘅靈魂，搵返一啲能動力。
⁠在進行這些嘗試的過程，有遇過什麼困難或反對聲音嗎？那是怎樣的經驗？
初初2016年係只有我同Ron，我哋好幸運地得到充足嘅資源讓我地凝聚到一班好熱血嘅團隊們。對於呢個實驗性嘅項目嚟講，我哋都算係個例外。有資源就有責任盡力做到最好。對我嚟講，最難嘅係平衡想做好多好多嘢嘅慾望。團隊入面嘅人又會好落力去做，有時候會令到大家都好透支。如果可以time travel 我會想大家放慢啲，好好檢視我哋嘅過程同成果。去到2020年疫情我地冇左財政上嘅支撐，就變返得我同Ron。最大嘅挑戰係要接受一個時代嘅結束。本來以為解散團隊就代表完結，但點知我地而家兩個都有繼續小小咁樣延續呢個project。繼續陪伴著對方成長。
你為了這些需要而作出行動的同時，會期望身邊的群體又可怎樣走出一小步？（例如是希望整體社會有什麼觀念可以改變？或是期望他人對自己所做的事持什麼態度？）
我地企劃有三個核心價值：真誠、可能性、相信過程。呢啲核心價值好早期已經確立，神奇地，世界似乎越嚟越需要佢哋。尤其係真誠，應付無力感好有用。
⁠在你實踐自己計劃的過程中有遇過「伯樂」嗎？那是怎樣的經驗？
我哋嘅伯樂就係企劃當中遇到嘅人。當初係因為一位受訪者，同我哋剖析原來創意就係每日重塑自己，我哋先將企劃嘅重心移去搵自己、搵意義。另外我都記得，有一次同另一個受訪者工作完畢後去食飯，佢問我：「你理想中呢個城市係點樣？」當時我含糊以對。事隔幾年先明白呢條問題幾咁勁。好多時我哋為應付世界現實條件疲於奔命，其實冇寬容地問自己其實想點。有呢種自我愛錫、寬容，其實好重要。
如邀請你向其他年青人分享一句你的座右銘，或鼓勵的說話，會是甚麼?
「對自己誠實，每一刻都可以再認識自己。」
Or this is my favorite quote of all time – can simplify or do what you want with it.